سعودی عرب نے دو ارب ڈالر کے قرضے کو رول اور کردیا

سعودی عرب نے دو ارب ڈالر کے پاکستان کے قرضے کو رول اُور کردیا گیا ہے۔ پاکستان نے چین، سعودی عرب اور یو اے ای کے چھ ارب کے قرضہ جات کی ادائیگی ان تین مہینوں میں کرنی تھی۔ آئی ایم ایف نے شرط عائد کی تھی کے ان ادائیگیوں کے طریقہ کار کے بارے میں بتایا جائے۔ چین نے پہلے ہی پاکستان کے دو ارب ڈالر کے قرضے کو رول اور کردیا ہے۔ وزیر مملکت برائے خزانہ عائشہ غوث پاشہ نے اُمید ظاہر کی ہے کے اب یواےای سے بھی قرضہ کو رول اور کر دیا جائیگا جس سے آئی ایم ایف کی آخری شرط بھی پوری ہوجائیگی اور آئی ایم ایف کی قسط جاری ہو جائیگی۔ وزیر خزانہ اسحاق ڈار اگلے ہفتے امریکا جارہے ہیں جہاں وہ آئی ایم ایف کے نمائندگان سے ملیں گے۔