کوالکوم اور میڈیا ٹیک فون پراسیسر بنانے والی دو بڑی کمپنیاں
اس وقت اسمارٹ فون مارکیٹ میں دو بڑی کمپنیاں ہیں جو پروسیسر تیار کرتی ہیں: کوالکوم اسنیپ ڈریگن کے نام سے اور میڈیا ٹیک ہیلیو اور ڈایمینسٹی کے نام سے پراسیسر بناتی ہیں۔ دونوں کمپنیوں کا اپنے اپنے شعبے میں بڑا اثر و رسوخ ہے، لیکن ان کی خصوصیات اور مارکیٹ شیئر میں فرق ہے۔
اسنیپ ڈریگن ایک امریکی کمپنی "کوالکوم” کا پروسیسر ہے، جو اس وقت دنیا کی سب سے بڑی موبائل چپ بنانے والی کمپنیوں میں سے ایک ہے۔ اس کا مرکزی دفتر امریکہ میں واقع ہے۔ اسنیپ ڈریگن پروسیسر کی قوت اس کی جدید ٹیکنالوجی اور پرفارمنس کی وجہ سے ہے۔ یہ پروسیسر زیادہ تر فلیگ شپ اور پریمیم بجٹ فونز میں استعمال ہوتے ہیں، اور ان کا معیار دنیا بھر میں تسلیم کیا گیا ہے۔ اسنیپ ڈریگن چپ کی سب سے بڑی خصوصیت اس کی توانائی کی بچت، تیز رفتار پراسیسنگ اور گرافکس کی انتہائی عمدہ کارکردگی ہے۔ تاہم اسنیپ ڈریگن کی قیمت کچھ زیادہ ہوتی ہے، جسکی وجہ سے اسے مہنگےفونز میں ہی استعمال کیا جاتا ہے۔
دوسری طرف، میڈیا ٹیک ایک تائیوانی کمپنی ہے جو اسنیپ ڈریگن کے مقابلے میں کم قیمت پروسیسرز فراہم کرتی ہے۔ میڈیا ٹیک کی قیمت اسنیپ ڈریگن کے مقابلے میں نسبتاً کم ہے، اور یہی وجہ ہے کہ یہ زیادہ تر انٹری لیول، بجٹ اور بعض اوقات پریمیئر بجٹ فونز میں استعمال ہوتا ہے۔ میڈیا ٹیک پروسیسر کی طاقت اس کی قیمت کے مطابق اچھی کارکردگی میں ہے، لیکن اس کی گرافکس اور پروسیسنگ اسپڈ کبھی کبھی اسنیپ ڈریگن کے مقابلے میں کمزور ثابت ہوتی ہے۔ میڈیا ٹیک نے حالیہ برسوں میں اپنی ٹیکنالوجی کو بہتر بنایا ہے، اور اب اس کے پروسیسرز خاص طور پر انٹرمیڈیٹ اور کچھ پریمیم فونز میں بھی پائے جاتے ہیں۔ میڈیا ٹیک کی سب سے بڑی خوبی یہ ہے کہ وہ بجٹ فونز کے لیے بہترین پروسیسرز فراہم کرتی ہے، جو کم قیمت میں معقول پرفارمنس دیتی ہیں۔
جہاں تک مارکیٹ شیئر کا تعلق ہے، اسنیپ ڈریگن کا حصہ عالمی سطح پر تقریباً چالیس فیصد ہے، جو اسے مارکیٹ میں غالب پوزیشن دیتا ہے۔ میڈیا ٹیک کا حصہ کچھ زیادہ ہے اور تقریباً پینتس فیصد ہے، لیکن اس کا زیادہ تر استعمال کم قیمت فونز میں ہوتا ہے۔ اسنیپ ڈریگن زیادہ تر فلیگ شپ اور پریمیم مارکیٹ کو اپنی طرف متوجہ کرتا ہے، جبکہ میڈیا ٹیک کا زیادہ فوکس انٹری لیول اور بجٹ مارکیٹ پر ہے۔
آخر میں خلاصہ یہ کہ اسنیپ ڈریگن اور میڈیا ٹیک دونوں کے اپنے فوائد اور کمزوریاں ہیں۔ اسنیپ ڈریگن بہترین پرفارمنس فراہم کرتا ہے، خاص طور پر فلیگ شپ فونز میں، لیکن اس کی قیمت زیادہ ہے۔ دوسری طرف، میڈیا ٹیک کی قیمت کم ہے اور یہ انٹری لیول اور بجٹ فونز میں بہترین پرفارمنس دیتا ہے، لیکن اس کی کارکردگی اور گرافکس اسنیپ ڈریگن کی سطح تک نہیں پہنچ پاتی۔ دونوں کمپنیوں کا مارکیٹ شیئر مضبوط ہے، اور ان کے پروسیسرز کا انتخاب قیمت اور پرفارمنس کی بنیاد پر ہی کیا جاتا ہے۔
