ایمزون کا صحت کے شعبہ کو بھی آن لائن کرنے کی کوششوں کا آغاز
آن لائن مصنوعات فروخت کرنے والی سب سے بڑی کمپنی ایمزون نے اب ایمزون کلینک کا آغاز بھی کردیا ہے۔ یہ بھی ایک آن لائن پلیٹ فارم ہوگا جہاں مریض الرجی اور جلد جیسے عام امراض کے علاج کے لیے ڈاکٹروں سے مشورہ کر سکیں گے۔ ایمیزون کچھ عرصے سے اس مارکیٹ میں جانے کے لیے کوشش کررہا ہے اور اس ضمن میں اس نے صحت کے شعبہ میں آن لائن کام کرنے والی کمپنیوں میں پہلے ہی سرمایہ کاری شروع کردی تھی۔
امریکہ کے ہسپتال دُنیا بھر میں سب سے مہنگے ہیں اور یہاں وہ لوگ ہی علاج کروا سکتے ہیں جنہوں نے ہیلتھ انشورنس کروائی ہوتی ہے۔ امریکہ کی صحت کی مارکیٹ بھی باقی کاروباروں کی طرح بہت بڑی ہے۔ پاکستان کے برعکس، یہاں صرف عام دوائیاں ہی ڈاکٹروں کے نسخہ ک بغیر ہی خریدی جا سکتی ہیں۔ ماہرین پیش گوئی کر رہے ہیں کہ آن لائن ہیلتھ کیئر مستقبل میں صحت کے شعبے میں بہت تبدیلیاں لائے گا۔
