حکومت کی مالی ایمرجنسی کی افواہوں کی سختی سے تردید

حکومت اور اسٹیٹ بینک نے پیر کو سوشل میڈیا پر غیر ملکی کرنسی اکاؤنٹس، روشن ڈیجیٹل اکاؤنٹس اور سیفٹی ڈپازٹ لاکرز کے حوالے سے گردش کرنے والے بے بنیاد دعووں کی تردید کی۔ حکومت پاکستان اور اسٹیٹ بینک آف پاکستان نے تمام صارفین کو یقین دلایا ہے کہ فارن کرنسی اکاؤنٹس، روشن ڈیجیٹل اکاؤنٹس اور لاکرز مکمل طور پر محفوظ ہیں، اور ان پر پابندی لگانے کی کوئی تجویز زیر غور نہیں ہے۔

حکومت کو فوری طور پر کچھ ایسے اقدامات کرنے ہوں گے جن سے کاروباری اور مالیاتی شعبے کو مثبت اشارے ملیں۔ بدقسمتی سے حکومت آئی ایم ایف سے متعدد ملاقاتوں کے باوجود ان کے ساتھ کسی معاہدے کو حتمی شکل نہیں دے سکی جس سے ملک میں تشویش پائی جارہی ہے۔