سینیٹ کی قائمہ کمیٹی کی آٹو انڈسٹری میں غیر قانونی آن منی کے کاروبار کو ختم کرنے کی ہدایت

سینیٹ کی قائمہ کمیٹی برائے صنعت و پیداوار نے وزارت کو ہدایت کی ہے کہ آٹو انڈسٹری میں غیر قانونی آن منی کاروبار کے خلاف ٹھوس اقدامات کیے جائیں۔ سینیٹر کی جانب سے اٹھائے گئے کار کی بکنگ اور خریداری پر اُون منی کی رقم کے سوال پر انجینئرنگ ڈویلپمنٹ بورڈ (ای ڈی بی) کی جانب سے جمعے کو ہونے والے اجلاس میں بتایا گیا کہ بکنگ کے 60 دن کے اندر گاڑی کی ڈیلیوری کی ناکامی کی صورت میں خریدار اپنی رقم کی ادائیگی کا دعویٰ کر سکتا ہے اور ساتھ ہی 3 فیصد جرمانہ بھی لگا سکتا ہے۔ مزید بتایا گیا کہ خریدار کو بکنگ کے وقت کار کی کل قیمت کا صرف 20 فیصد ادا کرنا ہوگا۔

معیار سازی اور پیداوار کے بارے میں کمیٹی کو بتایا گیا کہ ای ڈی بی کا بطور ریگولیٹر پیداوار کو معیاری بنانے میں کوئی کردار نہیں ہے۔ یہاں یہ بات قابل ذکر ہے کہ مقامی مینوفیکچررز اس وقت بکنگ کے وقت گاڑی کی پوری قیمت لے رہے ہیں جبکہ ڈیلیوری کا وقت چار سے چھ ماہ کا ہے۔ جہاں تک معیار کا تعلق ہے تو کوئی بھی انڈیا میں بنی ہوئی گاڑی کو ویسی ہی پاکستانی گاڑی سے موازنہ کریں تو پاکستانی گاڑیوں کی قیمتیں کہیں زیادہ ہیں اور معیار بھی کم ہے۔